William Butler Yeats – Kole zegródek wikliny
21 września 2025Wiersz jednego z najważniejszych poetów angielskojęzycznych Williama Butlera Yeatsa (1865–1939) „Opodal ogrodów wikliny” („Down By the Salley Gardens„).
Kole zegródek wikliny z frelką trefić żech sie mioł:
I przelazły przez charpańcie jej szłapki śnieżnobiołe,
Chciała, bych se liboł cołkiem leko, jak strōm listki rodzi,
A joł buł młodi i gupi, nie chcioł ech sie na to zgodzić.
W polu nad żbluchatą rzyką z moją lubą stoł żech,
A łona słożyła mi na ramiōnach swe rynce śnieżnobiołe,
Chciała, bych żywobyci broł leko, jak trŏwa na grobli rośnie,
Ale joł buł młodi i gupi, a tera rycza potwornie.
PT
